ಬೆಂಗಳೂರು : ಸಿಎಂ ಡಿ.ಕೆ ಶಿವಕುಮಾರ್ ಜೊತೆಗೆ ಹದಿನಾಲ್ಕು ಜನ ನೂತನ ಸಚಿವರು ಪ್ರಮಾಣವಚನ ತಗೆದುಕೊಂಡಿದ್ದಾರೆ. ಇನ್ನೇನು ಹೊಸ ಸಚಿವರಿಗೆ ಖಾತೆಗಳ ಹಂಚಿಕೆ ಆಗಬೇಕು ಎನ್ನುವಷ್ಟರಲ್ಲಿ ಹಿರಿಯ ಸಚಿವರೊಬ್ಬರು ಪ್ರಮುಖ ಖಾತೆಗಾಗಿ ಮುನಿಸಿಕೊಂಡಿದ್ದು ರಾಜೀನಾಮೆ ಮಾತನಾಡಿದ್ದಾರೆ ಎಂದು ಹೇಳಲಾಗುತ್ತಿದೆ.
ಹೌದು ಈ ಹಿಂದೆ ಸಿದ್ದರಾಮಯ್ಯ ಸರಕಾರದಲ್ಲಿ ಸಾರಿಗೆ ಹಾಗೂ ಮುಜರಾಯಿ ಸಚಿವರಾಗಿ ಉತ್ತಮ ಕೆಲಸ ನಿರ್ವಹಿಸಿದ್ದ ರಾಮಲಿಂಗಾರೆಡ್ಡಿ ಅವರು ಡಿಕೆಶಿ ಸಂಪುಟದಲ್ಲಿ ಸಚಿವರಾಗಿ ಮುಂದುವರಿದಿದ್ದಾರೆ. ಈ ಹಿಂದೆ ಇದ್ದ ಸಾರಿಗೆ ಬದಲಿಗೆ ಬೇರೆ ಖಾತೆ ನೀಡುವ ಕುರಿತು ಚರ್ಚೆ ನಡೆದಿತ್ತು.
ಆದರೆ ರಾಮಲಿಂಗಾರೆಡ್ಡಿ ಅವರು ಬೆಂಗಳೂರು ಉಸ್ತುವಾರಿ, ಹಾಗೂ ನಗರಾಭಿವೃದ್ಧಿ ಖಾತೆ ಮೇಲೆ ಕಣ್ಣಿಟ್ಟಿದ್ದಾರೆ. ಆದರೆ ಈ ಖಾತೆ ಮೇಲೆ ಇನ್ನು ಕೆಲ ಬೆಂಗಳೂರಿನ ಶಾಸಕರು ಆಸಕ್ತಿ ತೋರಿದ್ದು ಯಾರಿಗೆ ಖಾತೆ ನೀಡಬೇಕು ಎಂಬ ಚರ್ಚೆ ಪಕ್ಷದ ವಲಯದಲ್ಲಿ ಜೋರಾಗಿವೆ.
ಈ ಮಧ್ಯೆ ನನಗೆ ಬೆಂಗಳೂರು ಉಸ್ತುವಾರಿ ಸೇರಿದಂತೆ ನಗರಾಭಿವೃದ್ಧಿ ಖಾತೆ ನೀಡಬೇಕು ಇಲ್ಲವಾದರೆ ನಾನು ಸಚಿವಸ್ಥಾನಕ್ಕೆ ರಾಜೀನಾಮೆ ನೀಡುವುದಾಗಿ ನೇರವಾಗಿ ಹೇಳಿದ್ದಾರೆ. ಇದರಿಂದ ಸಧ್ಯ ಡಿಕೆಶಿ ಗೆ ತಲೆನೋವಾಗಿದ್ದು ಖಾತೆ ಹಂಚಿಕೆ ಕುರಿತು ಚರ್ಚೆಗಳು ಮುಂದುವರಿದಿವೆ.
ನಿನ್ನೆ ಪ್ರಮಾಣವಚನ, ಇಂದು ಸಚಿವಸ್ಥಾನಕ್ಕೆ ರಾಜೀನಾಮೆ ಮಾತು…? ಏನಾಗ್ತಿದೆ ಡಿಕೆ ಸಂಪುಟದಲ್ಲಿ..!
