ರೈತ ಸಂಘದ ಅಧ್ಯಕ್ಷರಿಗೆ ಹೊಸ ಕಾರು ಕೊಡಿಸಲು ಹಣ ಸಂಗ್ರಹಕ್ಕೆ ಮುಂದಾದ ಮುಖಂಡರು
ಬೆಳಗಾವಿ :ಕಬ್ಬಿಗೆ ಬೆಂಬಲ ಬೆಲೆ ಕೊಡಿಸುವ ನಿಟ್ಟಿನಲ್ಲಿ ಬೃಹತ್ ರೈತಪರ ಹೋರಾಟ ನಡೆಸಿ ಯಶಸ್ವಿಯಾದ ರಾಜ್ಯ ರೈತ ಸಂಘದ ಅಧ್ಯಕ್ಷ ಚೂನಪ್ಪ ಪೂಜಾರಿಗೆ ಸಂಘಟನೆಗೆಂದು ಹೊಸ ಕಾರು ಕೊಡಿಸಲು ಅಭಿಮಾನಿಗಳು ಮುಂದಾಗಿದ್ದಾರೆ.
ಕಳೆದ ಕೆಲ ದಿನಗಳ ಹಿಂದೆ ಚೂನಪ್ಪ ಅವರ ಕಾರು ಅಪಘಾತಕ್ಕೆ ಒಳಗಾಗಿತ್ತು. ಈ ನಡುವೆ ಅವರ ಅಭಿಮಾನಿಗಳು ಹಾಗೂ ರೈತ ಸಂಘದ ಕೆಲ ಮುಖಂಡರು ಸೇರಿ ಚೂನಪ್ಪ ಅವರಿಗೆ ಹೊಸ ಕಾರು ಕೊಡಿಸಲು ಮುಂದಾಗಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ರೈತ ಸಂಘಟನೆ ಹೆಸರಿನ ಶ್ರೀಶೈಲ ಅಂಗಡಿ ಎಂಬುವವರು ತಮ್ಮ ಮೊಬೈಲ್ ಸಂಖ್ಯೆಯನ್ನು ಪೋಸ್ಟ್ ಮಾಡಿದ್ದು ಸಹಾಯ ಮಾಡುವಂತೆ ಕೋರಿದ್ದಾರೆ.
ರೈತ ಸಂಘಟನೆಯಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿರುವ ರಾಜ್ಯಾಧ್ಯಕ್ಷ ಚೂನಪ್ಪ ಪೂಜಾರಿ ಅವರಿಗೆ ಸಂಘಟನೆಗೆ ಅನುಕೂಲ ಆಗಲೆಂದು ರೈತ ಸಂಘಟನೆ ಮುಖಂಡರು ಈ ನಿರ್ಧಾರಕ್ಕೆ ಬಂದಿದ್ದಾರೆ ಎಂದು ಸಂದೇಶ ತಿಳಿಸಿದ್ದಾರೆ.
