ಅಥಣಿ : ವಿದ್ಯುತ್ ತಗುಲಿ ಯುವಕ ಸಾವು

ಅಥಣಿ : ವಿದ್ಯುತ್ ತಂತಿ ತಗುಲಿದ ಪರಿಣಾಮ ಯುವಕ ಸ್ಥಳದಲ್ಲೇ ‌ಮೃತಪಟ್ಟ ಘಟನೆ ಅಥಣಿ ತಾಲೂಕಿನ‌ ಹಲ್ಯಾಳ‌ ಗ್ರಾಮದಲ್ಲಿ ಭಾನುವಾರ ‌ನಡೆದಿದೆ.

ಮಲ್ಲಪ್ಪ ಸಂಜು ಶಿವಾಪುರ (23) ಮೃತ ದುರ್ದೈವಿ. ತಮ್ಮ ತೋಟದಲ್ಲಿ ಇದ್ದ ಬಾವಿಯ ಪಂಪ್ ಸೆಟ್ ಪ್ರಾರಂಭಿಸುವ ವೇಳೆ ವಿದ್ಯುತ್ ತಂತಿ ತಗುಲಿ ಅವಘಡ ಸಂಭವಿಸಿದೆ.

ಕೂಡಲೇ ಯುವಕನನ್ನು ಸ್ಥಳೀಯ ಆಸ್ಪತ್ರೆಗೆ ಕರೆದೊಯ್ಯುವ ಪ್ರಯತ್ನ ಮಾಡಲಾಗಿದ್ದು ಚಿಕಿತ್ಸೆ ಫಲಕಾರಿಯಾಗದೆ‌ ಯುವಕ ಮೃತಪಟ್ಟಿದ್ದಾನೆ. ಅಥಣಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.