ಆಂಬ್ಯುಲೆನ್ಸ್ ಒಳಗೆ ರಾಸಲೀಲೆ ; ಕಾಮುಕರ ಆಟ ತಡೆದ ಸಾರ್ವಜನಿಕರು..!
ಮಧ್ಯಪ್ರದೇಶ : ಛತ್ತರ್ಪುರದಲ್ಲಿ ಮನುಕುಲವೇ ತಲೆತಗ್ಗಿಸುವಂತಹ ಘಟನೆಯೊಂದು ನಡೆದಿದೆ. ತುರ್ತು ಚಿಕಿತ್ಸೆಗಾಗಿ ಬಳಕೆಯಾಗಬೇಕಾದ ಆಂಬ್ಯುಲೆನ್ಸ್, ಅನೈತಿಕ ಚಟುವಟಿಕೆಯ ತಾಣವಾಗಿ ಮಾರ್ಪಟ್ಟಿದ್ದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.
ಗುರುವಾರ ಚಲಿಸುತ್ತಿದ್ದ ಆಂಬ್ಯುಲೆನ್ಸ್ ಒಂದರ ಕಿಟಕಿಯ ಮೂಲಕ ದಾರಿಹೋಕರೊಬ್ಬರು ಇಣುಕಿ ನೋಡಿದಾಗ, ಒಳಗೆ ಯುವತಿ ಮತ್ತು ಇಬ್ಬರು ಯುವಕರು ಆಕ್ಷೇಪಾರ್ಹ ಸ್ಥಿತಿಯಲ್ಲಿರುವುದು ಕಂಡುಬಂದಿದೆ.
ತಕ್ಷಣವೇ ಕಾರ್ಯಪ್ರವೃತ್ತರಾದ ಜನರು ಸುಮಾರು 5 ಕಿಲೋಮೀಟರ್ಗಳವರೆಗೆ ವಾಹನವನ್ನು ಬೆನ್ನಟ್ಟಿ, ಕೊನೆಗೆ ಅದನ್ನು ತಡೆದು ನಿಲ್ಲಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ವಾಹನ ನಿಲ್ಲಿಸಿದ ಸಾರ್ವಜನಿಕರು ಚಾಲಕನನ್ನು ಪ್ರಶ್ನಿಸಿದಾಗ, “ಆಕೆ ನಮ್ಮ ಸಹೋದರಿ” ಎಂದು ಹೇಳಿ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದಾನೆ. ಆದರೆ ಅಷ್ಟು ವೇಗವಾಗಿ ಯಾಕೆ ಚಲಿಸುತ್ತಿದ್ದಿರಿ ಎಂಬ ಪ್ರಶ್ನೆಗೆ ಆತನ ಬಳಿ ಉತ್ತರವಿರಲಿಲ್ಲ.
ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಕಾಡ್ಗಿಚ್ಚಿನಂತೆ ಹರಡಿದ್ದು, ನೆಟ್ಟಿಗರು ಕಟುವಾಗಿ ಟೀಕಿಸಿದ್ದಾರೆ:
“ವೈದ್ಯಕೀಯ ಸೇವೆಯ ಪವಿತ್ರತೆಯನ್ನು ಹಾಳುಮಾಡಲಾಗುತ್ತಿದೆ. ಇದು ಆಂಬ್ಯುಲೆನ್ಸ್ ಅಲ್ಲ, ‘ಮೂವಿಂಗ್ ಓಯೋ’ (Moving OYO) ತರಹ ಆಡುತ್ತಿದ್ದಾರೆ,” ಎಂದು ಹಲವರು ಕಿಡಿಕಾರಿದ್ದಾರೆ.
ಪ್ರಾಣ ಉಳಿಸಬೇಕಾದ ವಾಹನವು ಇಂತಹ ಕೃತ್ಯಗಳಿಗೆ ಬಳಕೆಯಾಗುತ್ತಿರುವುದು ಗಂಭೀರ ವಿಚಾರವಾಗಿದ್ದು, ಅಧಿಕಾರಿಗಳು ತನಿಖೆ ಕೈಗೆತ್ತಿಕೊಂಡಿದ್ದಾರೆ. ಆಂಬ್ಯುಲೆನ್ಸ್ ಸೇವೆಯ ದುರ್ಬಳಕೆಯ ಬಗ್ಗೆ ಕಠಿಣ ನಿಯಮಗಳನ್ನು ರೂಪಿಸುವಂತೆ ಸಾರ್ವಜನಿಕರು ಒತ್ತಾಯಿಸುತ್ತಿದ್ದಾರೆ.
